अतिधोकादायक इमारती भुईसपाट

अतिधोकादायक इमारती भुईसपाट
नालासोपारा, ता. ३ (बातमीदार) : विरार इमारत दुर्घटनेची पुनरावृत्ती टळली. नालासोपारा पूर्व रहेमतनगर येथील आशिफा मंजिल अपार्टमेंट या चारमजली इमारतीच्या पिलरचे काम करीत असताना ही इमारत एका बाजूला झुकली. या घटनेची माहिती मिळताच वसई-विरार महापालिका प्रशासनाने तत्काळ घटनास्थळी धाव घेत आजूबाजूच्या अलेफिया आणि साबिया या दोन इमारतींमधील रहिवाशांना बाहेर काढले. यामध्ये १००हून अधिक कुटुंबे बेघर झाली असून, आता राहायचे कुठे, असा प्रश्न त्यांना पडला आहे. त्यानंतर बुधवारी (ता. ३) पालिकेने आशिफा अपार्टमेंट ही इमारत भुईसपाट केली.