‘त्या’ मायलेकीचा बुडूनच मृत्यू

‘त्या’ मायलेकीचा बुडूनच मृत्यू

सकाळ वृत्तसेवा
ठाणे, ता. ३ : कासारवडवली येथे एका शेतातील खड्ड्यात मंगळवारी (ता. २) रात्री एका महिला आणि चिमुरडीचा मृतदेह आढळून आला. या घटनेत या दोघींचा बुडून मृत्यू झाल्याचे शवविच्छेदन अहवालात समोर आले; मात्र या दोघींची ओळख पटविण्याचे आव्हान पोलिसांसमोर आहे. यासाठी पोलिसांची पथके तयार करण्यात आल्याची माहिती कासारवडवली पोलिस ठाण्याचे वरिष्ठ पोलिस निरीक्षक निवृत्ती कोल्हटकर यांनी दिली. कासारवडवली परिसरातील लेबर कॉलनीजवळ आशीष पाटील यांची शेतजमीन आहे. त्या शेतजमिनीमधील एका अडीच फूट खोल खड्ड्यात दोन मृतदेह तरंगत असल्याची माहिती मिळताच पोलिस व महापालिका आपत्ती व्यवस्थापन पथक, अग्निशमक दलाने धाव घेतली. त्यानंतर शवविच्छेदन अहवालात त्या दोघींचा बुडून मृत्यू झाल्याची माहिती पुढे आली. याप्रकरणी कासारवडवली पोलिस ठाण्यात गुन्हा दाखल करण्यात आला आहे. मृत महिलेचे वय अंदाजे ३५ तर चिमुरडीचे वय तीन वर्षे असल्याचे समजते. त्यांची ओळख अद्याप पटविण्याचे काम पोलिस करीत आहेत.