खालापुरात अल्पवयीन मुलीवर अत्याचार

खालापुरात अल्पवयीन मुलीवर अत्याचार
खालापूर, ता. ४ (बातमीदार) : अल्पवयीन मुलीला प्रेमाच्या जाळ्यात ओढून शारीरिक संबंध बनवून तिला गर्भवती केल्याप्रकरणी तरुणाला अटक करण्यात आली आहे. आरोपीने पीडिता ही अल्पवयीन असल्याची माहिती असतानादेखील तिला लग्‍नाच्या भूलथापा देत तिच्याशी शारीरिक संबंध प्रस्थापित केले. त्यानंतर आरोपीने वारंवार पीडितेशी बळजबरीने शारीरिक संबंध ठेवले. यामध्ये ती गर्भवती राहिल्यानंतर हा सर्व प्रकार उघडकीस आला. त्यानंतर पीडितेच्या पालकांनी आरोपीविरोधात खालापूर पोलिस ठाण्यात धाव घेत तक्रार दाखल केली. याप्रकरणी खालापूर पोलिसांनी आरोपीला मंगळवारी (ता. २) रात्री अटक केली. या गुन्‍ह्याचा अधिक तपास पोलिस उपनिरीक्षक शामल पाटील करीत आहेत.