ईद-ए-मिलाद निमित्त सुट्टीच्या तारखेत बदल

ईदनिमित्त ५ ऐवजी
८ सप्टेंबरला सुट्टी
सकाळ वृत्तसेवा
मुंबई, ता. ४ : ईद-ए-मिलादनिमित्त मुंबई शहर व मुंबई उपनगर जिल्ह्यांत ५ सप्टेंबरला जाहीर केलेली सार्वजनिक सुट्टी बदलून आता ८ सप्टेंबर करण्यात आली आहे. मुंबई शहर व उपनगर जिल्ह्याव्यतिरिक्त इतर जिल्ह्यांसाठी ५ सप्टेंबरला दिलेली सार्वजनिक सुट्टी कायम ठेवण्यात येत आहे.
अनंत चतुर्दशी यंदा शनिवारी (ता. ६) असून, याच दिवशी मुस्लिम समाजाचा ईद-ए-मिलाद हा सण आला आहे; मात्र हिंदू-मुस्लिम ऐक्य राखण्यासाठी मुस्लिम समुदायाने जुलूसचा कार्यक्रम ५ सप्टेंबरऐवजी ८ सप्टेंबरला घेण्याचा निर्णय घेतला आहे. त्यामुळे ५ सप्टेंबरची सुट्टी आता ८ सप्टेंबरला देण्यात येत आहे. मुंबई शहर व उपनगरांतील शासकीय कार्यालये ५ सप्टेंबर रोजी नियमित सुरू राहतील, अशी माहिती सामान्य प्रशासन विभागाने एका परिपत्रकाद्वारे दिली आहे.