पालघर जिल्ह्याला पुढील दोन दिवस ऑरेंज अलर्ट

पालघर जिल्ह्याला पुढील दोन दिवस ऑरेंज अलर्ट

पालघर, ता. ५ : जिल्ह्यात गेल्या आठवडाभरापासून पावसाची संततधार सुरूच आहे. पावसामुळे शुक्रवारी (ता. ५) दिवसभर जनजीवन विस्कळित झाले होते. त्यातच आता हवामान विभागाने पुढील दोन दिवस पालघर जिल्ह्यात मुसळधार पाऊस पडण्याची शक्यता वर्तवली असून, ऑरेंज अलर्ट जारी केला आहे. शनिवार-रविवार हे दोन दिवस मुसळधार पावसाचे राहणार असल्याचे हवामान विभागाने सांगितले. या कालावधीत जिल्ह्यातील काही भागांत मुसळधार पावसाची शक्यता वर्तवण्यात आली आहे. सोमवारीही पालघर जिल्ह्यात पाऊस राहणार असला तरी तो कमी प्रमाणात राहील. अर्थात सोमवारी जिल्ह्यासाठी हवामान विभागामार्फत येलो अलर्ट जारी केला आहे.