महात्मा फुले शिक्षण संस्थेत शिक्षक दिन साजरा

महात्मा फुले शिक्षण संस्थेत शिक्षकदिन साजरा
धारावी, ता. ७ (बातमीदार) : येथील महात्मा फुले शिक्षण संस्थेत शुक्रवारी (ता. ५) शिक्षकदिन साजरा करण्यात आला.
डॉ. सर्वपल्ली राधाकृष्णन यांच्या प्रतिमेला या वेळी पुष्पहार अर्पण करण्यात आला. विद्यार्थ्यांनी नृत्य सादर करून शिक्षकांचे मनोरंजन केले. आपल्या भाषणामधून शिक्षकांबद्दलची कृतज्ञता व्यक्त केली. शिक्षकांच्या मनोरंजनासाठी विविध खेळांचे आयोजन केले होते. चित्रकला शिक्षक औटी, विशाल यांनी डॉ. सर्वपल्ली राधाकृष्णन यांचे अतिशय मनमोहक चित्र रेखाटले होते. संस्थेचे संस्थापक बाबुराव माने, सचिव दिलीप शिंदे, खजिनदार प्रमोद माने इंग्रजी माध्यमाच्या मुख्याध्यापिका स्वाती होलमुखे मुख्याध्यापिका वीणा दोनवलकर, मुख्याध्यापिका श्रद्धा मॅडम या सर्वांच्या उपस्थित हा कार्यक्रम पार पडला.