शिक्षकदिनी समाजातील गुरुजनांचा सन्मान

भिवंडी, ता. ७ (वार्ताहर) : शहरातील माहेश्वरी समाज महिला समितीतर्फे समाजातील शिक्षक-शिक्षिकांचा विशेष सन्मान सोहळा शिक्षकदिनी शुक्रवारी (ता. ५) श्री गोपालकृष्ण मंदिर सभागृहात मोठ्या उत्साहात पार पडला. समितीच्या अध्यक्षा बबिता द्वारका असावा यांच्या संकल्पनेतून झालेल्या कार्यक्रमाला ठाणे जिल्हा माहेश्वरी समाज अध्यक्ष तथा स्वयं सिद्धी महाविद्यालयाचे प्राचार्य डॉ. महेश सोनी, उपाध्यक्ष सीमा डागा, श्री माहेश्वरी मंडळ अध्यक्ष ओमप्रकाश भूतडा, सचिव कन्हैयालाल पेडीवाल उपस्थित होते. या वेळी समाजातील शिक्षक-शिक्षिकांचा चांदीची सरस्वती प्रतिमा देऊन यथोचित सत्कार करण्यात आला. त्यानंतर हॅपी टीचर डे या खेळ कार्यक्रमात महिलांनी उत्स्फूर्त सहभाग घेतला. कार्यक्रम यशस्वी करण्यासाठी अध्यक्षा बबिता असावा यांच्या मार्गदर्शनाखाली सचिव सीमा जागेटिया, दिव्या बजाज, रिया झंवर, मनीषा सिकची, शेफाली हेडा, दीपा सारडा, सुनीता चांडक, रक्षा करवा, सुधा सारडा, शीला डागा, गायत्री तोषनीवाल, जागृती कलंत्री, राजेश्वरी राठी, प्रीती सोमानी, सुनीता सोमानी यांनी विशेष परिश्रम घेतले.