नेरळमध्ये पुन्हा दोन घरफोड्या;

नेरळमध्ये पुन्हा दोन घरफोड्या
कर्जत (बातमीदार)ः नेरळ परिसरात दोन ठिकाणी झालेल्या घरफोड्यांमध्ये चोरट्यांनी तब्बल ६७ हजारांचा ऐवज लंपास केला आहे. सुमन कॉम्प्लेक्स बी विंग तसेच राजमाता जिजाऊ तलावाजवळील इमारतींमध्ये रविवारी (ता. ७) पहाटेच्या सुमारास चोरट्यांनी कपाटातील सोन्याचे घुंगरू, सोन्याचे बाळ्यांचे दोन जोड, चांदीचे ब्रेसलेट, चांदीचे तीन पैंजण असा ६७ हजारांचा मुद्देमाल चोरला आहे. याप्रकरणी नेरळ पोलिस ठाण्यात गुन्हा नोंदवला असून वाढत्या चोरीच्या घटनांमुळे नागरिकांमध्ये अस्वस्थता आहे. महत्त्वाचे म्हणजे, नेरळ येथील अंबिका अपार्टमेंटमध्ये काही दिवसांपूर्वी तब्बल १९ लाखांचा ऐवज लंपास करण्यात आला होता.