संजय भोईरच्या कुटुंबासाठी गावकरी सरसावले

विरार, ता. ४ (बातमीदार) ः धावत्या रेल्वेमधून नारळ फेकल्याने डोक्याला जबर दुखापत होऊन या दुर्घटनेत बळी गेलेला पाणजू गावातील संजय दत्ताराम भोईर याचा मृत्यू झाला. तो घरातील एकुलता एक कमावता मुलगा होता. त्याची बहीण दिव्यांग असून मोठा भाऊ बेरोजगार आहे. १५ वर्षांपूर्वी त्याच्या आई-वडिलांचादेखील नायगाव खाडीत बुडून मृत्यू झाला होता. लहानपणीच आई-वडिलांचे छत्र हरपल्यामुळे त्यांची आत्या कमलाबाई भोईर यांनी त्यांचे पालनपोषण केले. संजयच्या निधनामुळे त्यांचा सांभाळ करणारी वयोवृद्ध आतेच्या समोर उदरनिर्वाहाचा मोठा प्रश्न निर्माण झाला आहे. त्यामुळे या घटनेचा सहानुभूतीपूर्वक विचार करून कुटुंबीयांना मदतीचा हात देऊन अरुण भोईर यांच्या ९७६२३८८०१० या क्रमांकावर आर्थिक मदत करून हातभार लावून सहकार्य करावे, अशी विनंती पाणजूवासीयांनी केली आहे.