खारबाव-जुचंद्रदरम्यान आज रात्री विशेष ब्लॉक

खारबाव-जूचंद्रदरम्यान आज रात्री विशेष ब्लॉक

 मुंबई, ता. ४ : मध्य रेल्वे प्रशासनाने डेडिकेटेड फ्रेट कॉरिडॉर (डीएफसी) प्रकल्पाच्या कामांसाठी खारबाव येथे रविवारी (ता. ५) रात्री १२ वाजल्यापासून सोमवारी पहाटे ४ वाजेपर्यंत विशेष ट्रॅफिक व पॉवर ब्लॉक जाहीर केला आहे. हा ब्लॉक मुख्य अप-डाऊन मार्गावरील रेल्वे खारबाव ते कामन रोडदरम्यान घेतला जाणार असल्याची माहिती रेल्वे प्रशासनाने दिली. या विशेष ब्लॉकमुळे काही मेल-एक्स्प्रेस गाड्यांच्या वेळापत्रकात बदल करण्यात आले आहेत. ट्रेन क्रमांक ११०४९ अहमदाबाद-कोल्हापूर एक्स्प्रेस वसई रोड स्थानकावर पहाटे ३.३० ते ४ वाजेपर्यंत थांबवली जाणार आहे, तर ट्रेन क्रमांक २२१९३ दौंड-ग्वाल्हेर सुपरफास्ट एक्स्प्रेस भिवंडी रोड स्थानकावर पहाटे ३.४९ ते ४ वाजेपर्यंत थांबवली जाईल. त्याचबरोबर ट्रेन क्रमांक १२२९७ अहमदाबाद-पुणे दुरंतो एक्स्प्रेस ब्लॉकमुळे साधारण १० ते १५ मिनिटांनी उशिराने धावणार आहे.