मूर्तीची नासधूस करणारा अटकेत

मूर्तीची नासधूस करणारा अटकेत
पनवेल, ता.७ (वार्ताहर): तालुक्यातील डोलघर गावातील भवानी मातेच्या मूर्तीची नासधुस करण्याचा प्रयत्न रविवारी दुपारी घडला होता. या प्रकरणात पनवेल तालुका पोलिसांनी एका तरुणाला अटक केली.
डोलघर गावात राहणारा आरोपी आदेश खोत भवानी माता मंदिरामध्ये घुसला होता. त्याने भवानी मातेच्या मूर्तीची नासधुस करण्याचा प्रयत्न केला. मूर्तीच्या तोंडावरील भाग, तोंडाच्या शेंदुराचा लेप निघुन अपवित्र केले. या प्रकारामुळे ग्रामस्थांच्या धार्मिक भावना दुखावल्याने तक्रार करण्यात आली. यावेळी पोलिसांनी परिस्थितीचा आढावा घेताना ग्रामस्थांना शांत केले. तसेच आरोपीला ताब्यात घेऊन अटक केली. दारुच्या नशेत हा प्रकार केल्याचे पोलिसांच्या प्राथमिक तपासात समोर आले आहे.