धावत्या एक्सप्रेसमधून मोबाईल पडला

धावत्या एक्सप्रेसमधून मोबाईल पडला
ठाणे, ता. ७ : दिवा, दातीवली येथे राहणारा ब्रिजेशकुमार चंद्रकेश तिवारी (वय ३४) यांचा धावत्या पनवेल डहाणु एक्सप्रेसमधून येताना, निळजे रेल्वे स्थानकाजवळ मोबाईल पडून मोबाईल गहाळ झाला आहे. सोमवारी (ता. ६) सायंकाळी सात वाजण्याच्या सुमारास मोबाईल गहाळ झाला असून त्या मोबाईलची किंमत ३० हजार रुपये आहे. याप्रकरणी ठाणे लोहमार्ग पोलिस ठाण्यात गुन्हा दाखल झाला आहे.
........
चहावाल्याचा मोबाईल चोरीला
ठाणे, ता. ७ : नवी मुंबईतील खारघर येथील बाबूलाल डेनडोर या चायवाल्याचा ठाणे रेल्वे स्थानकात झोपला असताना मोबाईल फोन पॅन्ट खिशातून चोरीला गेला आहे. ही घटना मंगळवारी (ता. ७) पहाटे समोर आली. चोरीला गेलेल्या मोबाईलची किंमत सहा हजार रुपये असल्याचे तक्रारीत नमूद करण्यात आले आहे. याप्रकरणी ठाणे लोहमार्ग पोलिस ठाण्यात गुन्हा दाखल झाला आहे.