मंथन व्याख्यानमालेतर्फे विशेष कार्यक्रम

‘मंथन व्याख्यानमाले’तर्फे विशेष कार्यक्रम
सकाळ वृत्तसेवा
डोंबिवली, ता. ८ ः दिवंगत रतन टाटा यांच्या प्रथम स्मृतिदिनाचे औचित्य साधून डोंबिवलीतील ‘मंथन व्याख्यानमाले’तर्फे दिवंगत रतन टाटा यांचा दीर्घ सहवास लाभलेले त्यांचे सहकारी आणि ‘टाटा एक विश्वास’ या पुस्तकाचे लेखक माधव जोशी यांचे ‘रतन टाटा ः एक माणूस’ या विषयावरील व्याख्यान गुरुवारी (ता. ९) सायंकाळी सहा वाजता वक्रतुंड सभागृह, गणेश मंदिर, फडके रोड, डोंबिवली येथे आयोजित केले आहे. सर्वांसाठी विनामूल्य प्रवेश असलेल्या या कार्यक्रमाचे आयोजन डोंबिवलीतील नामवंत संस्था टिळकनगर शिक्षण प्रसारक मंडळ, टिळकनगर सार्वजनिक गणेशोत्सव मंडळ, श्री लक्ष्मी नारायण संस्था सवाई ८३ आणि मधुमालती एन्टरप्रायझेस यांनी विविध विषयांवर व्याख्याने आयोजित करण्यासाठी एकत्र येऊन स्थापन केलेल्या ‘मंथन व्याख्यानमाले’तर्फे केले आहे.