पौदार प्रेप इंटरनॅशल स्कुल द्रोणागिरी आणि उरण शाळेत राबविण्यात आला सिग्नेचर पेन्सिल सेरेमनी उपक्रम

पौदार प्रेप इंटरनॅशल स्कूलमध्ये विविध उपक्रम
उरण, ता. ८ (वार्ताहर) ः पौदार प्रेप या आंतरराष्ट्रीय शाळेत देशव्यापी उपक्रम इंटेलिजन्स इन हार्मनी, एक्सलन्स इन ॲक्शन हा उपक्रम राबविला आहे. यामध्ये संपूर्ण भारतातील १८ हजारांहून अधिक मुलांचा सहभाग होता. या वर्षीची थीम शिक्षणाचे रत्न आणि जीवन कौशल्ये जोपासणे यावर आधारित होती.
याअंतर्गत विविध उपक्रमांचे आयोजन केले असून यात दांडिया नृत्य, संगीत, कथानक, आकार आणि वारली कला, कठपुतळी कार्यक्रम आणि सर्जनशील पेन्सिल क्रियाकलाप यांचा समावेश होता. या कार्यक्रमाचे एक वैशिष्ट्य म्हणजे सिग्नेचर पेन्सिल सेरेमनी हे होते. यामध्ये प्रत्येक मुलाला एक सुंदर सजवलेली पेन्सिल देण्यात आली.
या कार्यक्रमासाठी सेंटर हेड अक्षता गायकवाड, शिक्षिका राजश्री तोगरे, अंकिता कोळी, ममता यादव, स्नेहा फर्नांडिस, लेखा मयेकर, प्रतिभा कोळी, नंदा सकपाळ, उर्मिला मोरे, शिक्षिका सिल्व्हिया डिसोजा, मृण्मयी लोकेश, निरूपा चौरसिया, मुशफिरा अन्सारी, सोनाली एडके, सुवर्णा चौहान, अफरोज तांबोळी आदींनी विशेष मेहनत घेतली.