सबियाअब्दुल चिविलकर यांना राज्यस्तरीय आदर्श मुख्याध्यापिका पुरस्कार प्रदान

सबिया चिविलकर यांना आदर्श मुख्याध्यापिका पुरस्कार
अलिबाग, ता. ८ (बातमीदार) ः अलिबाग नगरपालिकेच्या शाळा क्रमांक चारच्या मुख्याध्यापिका सबिया अब्दुल चिविलकर यांना राज्यस्तरीय आदर्श मुख्याध्यापिका पुरस्काराने सन्मानित करण्यात आले. सातारा येथे आयोजित केलेल्या कार्यक्रमात कराडचे आमदार मनोज घोरपडे यांच्या हस्ते हा पुरस्कार संघटनेतर्फे देण्यात आला आहे.
प्राथमिक शिक्षणाच्या प्रसाराकरिता आणि गुणवत्तावाढीकरिता एक तपापेक्षा अधिक कालावधी सबिया चिविलकर यांनी अविरत सेवा केली आहे. या सेवेची दखल घेत त्यांना यावर्षीचा अखिल शिक्षक संघ संचालित राज्य नगरपालिका व महानगरपालिका शिक्षक संघ यांच्यातर्फे आदर्श मुख्याध्यापक पुरस्कार प्रदान करण्यात आला. यानिमित्त अलिबाग नगरपालिकेच्या सर्व शाळांमधून आणि परिसरातून त्यांचे कौतुक होत आहे.