ठाण्यात रंगणार संघ गंगा के तीन भगीरथ नाटकाचा प्रयोग

ठाण्यात रंगणार संघ गंगा के तीन भगीरथ नाटकाचा प्रयोग
सकाळ वृत्तसेवा
ठाणे, ता. ११ : राष्ट्रीय स्वयंसेवक संघाच्या शताब्दी निमित्त संघ गंगा के तीन भगीरथ या दोन अंकी हिंदी नाटकाचा ५१ वा प्रयोग बुधवार (ता.१५) दुपारी चार वाजता गडकरी रंगायतन ठाणे येथे होणार आहे. हे नाटक सर्वांसाठी खुले असून, नाटकासाठी प्रवेश विनामूल्य आहे. प्रवेश प्रवेशिका नगरसेवक संजय वाघुले संपर्क कार्यालय दादा पाटील वाडी, रेल्वे स्टेशन (प्लॅटफॉर्मक्रमांक एक ) जवळ आणि श्रीराम व्यायाम शाळा सेवा संस्था, शिवसमर्थ शाळेशेजारी, तलावपाळी, नाना-नानी पार्क समोर, डॉ. मुस रोड, ठाणे
पश्चिम येथे उपलब्ध आहेत.
या नाटकातून आद्य सरसंघचालक डॉ. हेडगेवार, दुसरे सरसंघचालक श्रीगुरुजी आणि तिसरे बाळासाहेब देवरस या तीन सरसंघचालकांची प्रेरक कार्य मांडले आहे. नाटकाचे लेखक श्रीधर गाडगे, दिग्दर्शक संजय पेंडसे आहेत. नेपथ्य सतीश पेंडसे यांनी केले असून, डॉ. भाग्यश्री चिटणीस यांनी संगीत दिले आहे. नाटकाच्या निर्मात्या सारिका पेंडसे आहेत. नाटकाचे मार्गदर्शक रा.स्व. संघाचे ज्येष्ठ प्रचारक रवींद्र भुसारी आहेत. रा.स्व. संघाची स्थापना, विस्तार आणि वाटचाल समजून घेण्यासाठी या नाटकाला ठाणेकरांनी मोठया संख्येने यावे असे आवाहन मुख्य आयोजक ज्येष्ठ नगरसेवक, ठामपा स्थायी समितीचे माजी सभापती, भाजपा ठाणे शहर जिल्हा अध्यक्ष संजय वाघुले, विश्वास सामाजिक संस्थेच्या वृषाली संजय वाघुले तसेच, निमंत्रक आणि दीनदयाळ प्रेरणा केंद्राचे अध्यक्ष भा.वा.दाते, कार्यवाह मकरंद मुळे यांनी केले आहे.