अल्पवयीन मुलीवर लैंगिक अत्याचार

अल्पवयीन मुलीवर लैंगिक अत्याचार
नवी मुंबई (वार्ताहर) ः एपीएमसी मार्केट परिसरात भंगार गोळा करणाऱ्या अल्पवयीन मुलाने १६ वर्षीय पीडित मुलीवर लैंगिक अत्याचार केला आहे. या प्रकरणात एपीएमसी पोलिसांनी गुन्हा दाखल केला आहे. मानखुर्द भागात राहणारे दोघेही एपीएमसी मार्केट परिसरात भंगार गोळा करण्याचे काम करतात. अल्पवयीन मुलाने पीडित मुलीला वाशी स्मशानघाटजवळील पडक्या इमारतीत भंगार मिळेल, असे खोटे सांगितले होते. त्या ठिकाणी तिच्यावर जबरदस्तीने अत्याचार केले. तसेच कोणालाही काही सांगितल्यास मारण्याची धमकी दिली होती. पीडित मुलीने हा प्रकार कुटुंबीयांना सांगितला. त्यानंतर मानखुर्द पोलिस ठाण्यात तक्रार दाखल करण्यात आली. पोलिसांनी घटनेचे गांभीर्य लक्षात घेऊन अल्पवयीन मुलावर बलात्कार आणि पोक्सो कलमांनुसार गुन्हा दाखल केला. तसेच पुढील तपासासाठी गुन्हा एपीएमसी पोलिस ठाण्यात वर्ग केला होता.