मराठवाड्यातील पूरग्रस्तांसाठी ठाण्याहून मदतीचा हात

मराठवाड्यातील पूरग्रस्तांसाठी ठाण्यातून मदतीचा हात
सकाळ वृत्तसेवा
ठाणे, ता. १२ : कोकण पदवीधर मतदारसंघाचे आमदार ॲड. निरंजन डावखरे यांच्या संकल्पनेनुसार, ठाणे जिल्हा हौशी जलतरण संघटना आणि स्टारफिश फाउंडेशन यांच्या संयुक्त विद्यमाने मराठवाड्यातील पूरग्रस्त बांधवांसाठी मदतीचा उपक्रम राबविण्यात आला. याअंतर्गत पूरग्रस्त भागातील अनेक कुटुंबांना अन्नधान्य, औषधे आणि किराणा साहित्याचे किट वाटप करण्यात आले. या कार्यक्रमास ठाणे जिल्हा हौशी जलतरण संघटनेचे उपाध्यक्ष धनंजय कुलकर्णी, वैभव देशमुख, मारोतराव शिंदे जलतरण तलावाचे उपव्यवस्थापक रवी काळे, प्रशिक्षक कैलास आखाडे उपस्थित होते. आपत्तीच्या काळात संवेदना आणि कृती या दोन्हींची नितांत गरज असते. पूरग्रस्त बांधवांच्या वेदना कमी करण्यासाठी ठाणेकर नागरिक व संस्थांनी दाखवलेली ही सामाजिक बांधिलकी अभिमानास्पद आहे, असे कौतुक उद्गार काढत निरंजन डावखरे यांनी समाजाच्या प्रत्येक घटकाने अशा वेळी एकमेकांसाठी पुढे येणे हेच खरी सेवा असल्याचे म्हंटले आहे.