आदिवासी बांधवांसोबत गोड दिवाळी

आदिवासी बांधवांसोबत गोड दिवाळी
एकता सामाजिक संस्थेचा उपक्रम; १४ वर्षांपासून साहित्यांचे वाटप
पनवेल, ता. १३ (बातमीदार) : कामोठे येथील एकता सामाजिक संस्था गेल्या १४ वर्षांपासून आदिवासीवाड्यांवर जाऊन दिवाळीचा आनंद साजरा करत आहे. यावर्षीही संस्थेच्या कार्यकर्त्यांनी पेण तालुक्यातील प्रधानवाडी आणि बालग्राम येथे रविवारी (ता. १२) भेट देत शंभर कुटुंबांपर्यंत दिवाळीचा गोडवा पोहोचवला.
या उपक्रमांतर्गत आदिवासी बांधवांसह मुलांना दिवाळी फराळाचे साहित्य, मिठाई, खाऊ आणि सणोपयोगी वस्तूंचे वाटप करण्यात आले. एकूण १०० किट्समध्ये एक किलो मैदा, रवा, साखर, गोडेतेलाची बॅग, अर्धा किलो गुलाबजामून, रसगुल्ला, मोती साबण, उटणे, पणती तसेच मुलांसाठी खास खाऊचा समावेश होता. या कार्यात संतोष ठाकूर यांच्या पुढाकारातून हा उपक्रम यशस्वीपणे पार पडला. या वेळी राजन शेळके, अजित चौकेकर, सुरज गोविलकर, जयश्री झा, उषा डुकरे, हरीश बाबरीया, नितीन पाटील, अमोल शितोळे, मोहनीश सुभेदार, विवेक झा, मयांक झा, प्रसाद शेट्ये, उमेश गायकवाड, सारिका शिंदे, शितल शितोळे, प्रशांत कुंभार, साईराज शितोळे आदी मान्यवर उपस्थित होते. स्थानिक कार्यकर्ते आणि प्रतिनिधींच्या सहकार्यामुळे हा उपक्रम यशस्वीपणे पार पडला. दिवाळीच्या या उपक्रमामुळे आदिवासी पाड्यांवर गोड-धोड आनंदाचे वातावरण पसरले असून, फराळाचा सुगंध संपूर्ण वाड्यांमध्ये दरवळत आहे.