राज्यस्तरीय ड्रॅगन बोर्ड अजिंक्य स्पर्धेसाठी आज निवड चाचणी

बदलापूर, ता. १३ (बातमीदार) : महाराष्ट्र ड्रॅगन बोर्ड आणि ट्रॅडिशनल वॉटर स्पोर्ट असोसिएशन यांच्या वतीने आयोजित दुसऱ्या राज्यस्तरीय ड्रॅगन बोर्ड अजिंक्य स्पर्धा २०२५-२६ साठी मंगळवारी (ता. १४) निवड चाचणी घेण्यात येणार आहे. जास्तीत जास्त खेळाडूंनी सहभाग घ्यावा, असे आवाहन जिल्हा संघटनेचे अध्यक्ष आणि सचिव यांनी केले आहे. ही स्पर्धा मागील वर्षाप्रमाणे यंदाही होत आहे. निवड चाचणी चिखलोली धरण परिसरातील तरण तलाव, तालुका अंबरनाथ, जिल्हा ठाणे येथे सकाळी ११ ते दुपारी ३ वाजेपर्यंत पार पडेल. तालुका व जिल्हा स्तरातून जास्तीत जास्त खेळाडूंनी यात सहभाग घेण्याचे आवाहन जिल्हा संघटनेचे सचिव नीलेश पळवदे यांनी केले आहे. स्पर्धकांनी अधिक माहितीसाठी किंवा सहभाग नोंदणीसाठी ७७०९१७६७१७ या क्रमांकावर संपर्क साधावा, असे आयोजकांकडून सांगण्यात आले आहे.