आगीत १८ मीटर बॉक्स जळून खाक

आगीत १८ मीटर बॉक्स जळून खाक
सकाळ वृत्तसेवा
ठाणे,ता.१५ : कळवा स्टेशन रोड परिसरातील श्री लक्ष्मी अपार्टमेंट या इमारतीच्या तळ मजल्यावरील मीटर बॉक्स रूममध्ये मंगळवारी सकाळी साडेसात वाजण्याच्या आग लागली. सुदैवाने यावेळी कोणालाही दुखापत झाली नसली तरी या घटनेत तब्बल १८ मीटर बॉक्स जळून खाक झाले आहेत. अशी माहिती ठाणे महापालिका आपत्ती व्यवस्थापन कक्षेने दिली.
कळवा स्टेशन रोड परिसरात तळ अधिक ३ मजली श्री लक्ष्मी अपार्टमेंट ही इमारत आहे. या इमारतीच्या तळ मजल्यावरील मीटर बॉक्स रूममध्ये आग लागल्याची माहिती दक्ष नागरिक असलेले सिद्धेश डोके यांनी ठामपा आपत्ती व्यवस्थापन कक्षेला दिली. त्या घटनेची माहिती मिळताच घटनास्थळी अग्निशमन दलाचे जवानांनी धाव घेतली. दरम्यान स्थानिक रहिवासी व अग्निशमन दलाचे जवानांना त्या आगीवर काही मिनिटात नियंत्रण मिळविण्यात यश आले. मात्र या आगीत त्या इमारतीमधील १८ मीटर बॉक्स जळून नुकसान झाले आहे. यावेळी एक रेस्क्यू वाहन पाचारण करण्यात आले होते. अशी माहिती आपत्ती व्यवस्थापन कक्षेने दिली.