सभापती पद मागास प्रवर्गासाठी राखीव

सभापतिपद मागास प्रवर्गासाठी राखीव
कल्याण तालुका पंचायत समितीचे आरक्षण जाहीर
कल्याण, ता. १४ (वार्ताहर) : कल्याण तालुका पंचायत समितीच्या १० गणांचे आरक्षण मंगळवारी (ता. १४) कल्याण पंचायत समितीच्या सभागृहात उपजिल्हा अधिकारी अश्विनी पाटील यांच्या अध्यक्षतेखाली जाहीर करण्यात आले. या वेळी तहसीलदार सचिन शेजाळ, नायब तहसीलदार सत्यजित चव्हाण, कल्याण पंचायत समितीचे गटविकास अधिकारी संजय भोय यांच्यासह विविध पक्षांचे कार्यकर्ते मोठ्या संख्येने उपस्थित होते.

आरक्षण सोडतीत प्रथम अनुसूचित जाती व जमातीचे आरक्षण काढण्यात आले. म्हारळ ‘अ’ गण हा अनुसूचित जाती सर्वसाधारण राखीव ठेवण्यात आला आहे. मांजर्ली गण अनुसूचित जमाती (आदिवासी) सर्वसाधारण राखीव ठेवण्यात आला आहे. उर्वरित आठ गणांपैकी पाच गण महिलांसाठी आरक्षित करण्यात आले आहेत. कल्याण पंचायत समितीच्या सभापतिपदाचे आरक्षण ठाणे जिल्हाधिकारी कार्यालयात जिल्हाधिकारी यांच्या हस्ते काढण्यात आले होते. त्यानुसार सभापतिपद हे नागरिकांचा मागास प्रवर्ग यासाठी राखीव ठेवण्यात आले आहे.

गण आरक्षण
खडवली नागरिकांचा मागास प्रवर्ग (महिला)
कांबा सर्वसाधारण (महिला)
घोटसई सर्वसाधारण (महिला)
म्हारळ ‘क’ सर्वसाधारण (महिला)
नडगाव-दानबाव सर्वसाधारण (महिला)
रायते सर्वसाधारण
म्हारळ ‘ब’ सर्वसाधारण
राये नागरिकांचा मागास प्रवर्ग