मेट्रो-३ स्थानकांवर तिकिटसाठी मोफत वाय-फाय सुविधा

मेट्रो-३ स्थानकांवर वाय-फाय सुविधा

सकाळ वृत्तसेवा
मुंबई, ता. १४ : मुंबई मेट्रो रेल कॉर्पोरेशनतर्फे (एमएमआरसी) मेट्रो मार्ग-३च्या आरे-कफ परेडदरम्यानच्या सर्व स्थानकांवर प्रवाशांच्या सोयीसाठी आणि ‘मेट्रो कनेक्ट ३’ मोबाईल अ‍ॅपद्वारे डिजिटल तिकीट काढता यावे म्हणून मोफत वाय-फाय सुविधा सुरू करण्यात आली आहे.
ही वाय-फाय सुविधा सर्व स्थानकांच्या कॉनकोर्स (तिकीट खिडकी) स्तरावर उपलब्ध आहे. ही सेवा सुरक्षित आणि विश्वासार्ह आहे. यामुळे जास्तीत जास्त नागरिकांनी तिकीट बुकिंगसाठी या सुविधेचा लाभ घ्यावा, असे आवाहन एमएमआरसीच्या वतीने करण्यात येत आहे. वाय-फायशी जोडण्यासाठी ‘मेट्रो कनेक्ट ३’ ॲप डाउनलोड करून स्टेशनमध्ये प्रवेश करण्यापूर्वी लॉगिन करा. मोबाईलच्या वाय-फाय सेटिंग्जमध्ये जाऊन उपलब्ध नेटवर्कमधून ‘मेट्रो कनेक्ट ३’ निवडा. अ‍ॅप उघडल्यानंतर प्रोफाईलमध्ये जाऊन वायफाय कनेक्ट करा. त्यानंतर तिकीट बुकिंग सेवेचा लाभ घ्या.