गोशाळेतील गाईची निर्घृण हत्या

गोशाळेतील गाईची निर्घृण हत्या
कर्जत, ता. १५ (बातमीदार)ः तालुक्यातील वैजनाथ येथील महाराजा गौशाळेतून बेपत्ता दोन गाईंपैकी एकीची निर्घृण हत्या करण्यात आली. या प्रकरणी कर्जत पोलिस ठाण्यात गुन्हा दाखल करण्यात आला आहे.
वैजनाथ येथील महाराजा गौशाळेतील चारा खाण्यासाठी गेलेल्या दोन गाई १२ ऑक्टोबरपासून बेपत्ता होत्या. रात्रभर शोध घेतल्यानंतरही दोन्ही गाईंचा काहीच पत्ता लागला नाही. दुसऱ्या दिवशी सकाळी शोधमोहीमेवेळी मांडवणे रिव्हर गेट रोडलगत एका गाईचे डोके, पोटातील काही अवयव सापडले. मात्र, गाईचे धड, दुसरी गाय अजूनही बेपत्ता आहे. या घटनेमुळे गोशाळा चालवणाऱ्या शहा कुटुंबाला मानसिक धक्का बसला आहे. अज्ञात चोरट्यांनी गाईंची चोरी करून तिची हत्या केल्याचा आरोप श्वेता शहा यांनी व्यक्त केली आहे. या प्रकरणात कर्जत पोलिस ठाण्यात तक्रार दाखल आहे.