गावपाड्यातील अथक परिश्रमांची थट्टा

गावपाड्यातील अथक परिश्रमांची थट्टा

Published on

गावपाड्यातील अथक परिश्रमांची थट्टा
आशासेविका दोन महिन्यांपासून मानधनापासून वंचित
अलिबाग, ता. १५ (वार्ताहर)ः शेवटच्या घटकापर्यंत शासनाच्या योजना पोहोचवण्याबरोबरच आपत्कालीन परिस्थितीत रात्रंदिवस काम करणाऱ्या आशासेविकांना चार महिन्यांपासून केंद्र शासनाकडून, तर दोन महिन्यांपासून राज्य शासनाकडून मानधन मिळालेले नाही. आर्थिक संकटात सापडल्या आशासेविकांना आता शेकापने मदतीचा हात दिला असून, चार दिवसांत मानधन दिले नाही, तर तीव्र आंदोलन केले जाणार आहे.
अपुऱ्या कर्मचाऱ्यांमुळे शासन शेवटच्या घटकापर्यंत पोहोचण्यास अपयशी ठरत असल्याने शासनाने ग्रामीण भागात स्थानिक महिलांची मदत घेण्यास सुरुवात केली. त्यासाठी आशासेविका पद नियुक्त करण्यात आले. रायगड जिल्ह्यामध्ये जवळपास दीड हजारहून अधिक आशासेविका आहेत. हजार नागरिकांसाठी एक आशासेविका कार्यरत आहे. आशासेविकांच्या मदतीने शासनाच्या योजना घराघरात पोहोचविणे, आपत्कालीन परिस्थितीत मदतीचा हात देणे, माता, बाल मृत्यूचे प्रमाण टाळणे, बालक व मातेचे आरोग्य राखण्याबरोबरच जन्म, मृत्यूची नोंद ठेवणे, बालकांसह मातांचे लसीकरण, गावांतील प्रसूत महिलेला दवाखान्यात नेण्यापासून आरोग्य राखण्यासाठीची कामे केली जातात, परंतु जूनपासून मानधनच दिले गेले नसल्याने शेकापकडून न्याय मिळत नाही, तोपर्यंत माघार घेणार नाही, अशी भूमिका पक्षाच्या प्रवक्त्या चित्रलेखा पाटील यांनी घेतली आहे.

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.

Marathi News Esakal
www.esakal.com