वांद्रे ते जयपूर विशेष ट्रेन

वांद्रे ते जयपूर विशेष ट्रेन

मुंबई, ता. १५ : रेल्वे प्रवाशांची वाढती गर्दी लक्षात घेऊन पश्चिम रेल्वेने दिवाळी आणि छटपूजेनिमित्त वांद्रे टर्मिनस ते जयपूर यादरम्यान विशेष सुपरफास्ट साप्ताहिक रेल्वे गाडी चालवण्याचा निर्णय घेतला आहे. या गाडीचे आरक्षण सुरू झाले आहे.
पश्चिम रेल्वेने दिलेल्या माहितीनुसार, ट्रेन क्रमांक ०९७२६ वांद्रे टर्मिनस-जयपूर साप्ताहिक सुपरफास्ट स्पेशल गाडी १६ ते ३० ऑक्टोबर २०२५ या कालावधीत दर गुरुवारी वांद्रे टर्मिनसहून दुपारी २.४० वाजता सुटेल आणि दुसऱ्या दिवशी सकाळी १०.५० वाजता जयपूर येथे पोहोचेल. परतीची ट्रेन क्रमांक ०९७२५ जयपूर-वांद्रे टर्मिनस साप्ताहिक सुपरफास्ट स्पेशल गाडी १५ ते २९ ऑक्टोबर २०२५ या कालावधीत दर बुधवारी सायंकाळी ४.०५ वाजता जयपूरहून सुटेल आणि दुसऱ्या दिवशी दुपारी १२ वाजता वांद्रे टर्मिनस येथे पोहोचेल. या गाड्यांना दोन्ही दिशांनी बोरिवली, पालघर, वापी, वलसाड, नवसारी, सूरत, भरूच, वडोदरा, गोधरा, दाहोद, रतलाम, मंदसौर, नीमच, चित्तौडगड, भीलवाडा, बिजयनगर, नसीराबाद, अजमेर आणि किशनगड या स्थानकांवर थांबे असतील.