उभ्या रिक्षाने घेतला पेट; हाजुरीतील घटना

ठाण्यात रिक्षाने घेतला पेट
सकाळ वृत्तसेवा
ठाणे, ता. १६ : हाजुरी दर्ग्याजवळ गुरुवारी दुपारी सव्वातीन वाजण्याच्या सुमारास उभ्या असलेल्या एका रिक्षाने अचानक पेट घेतला. या घटनेत कोणतीही जीवितहानी झाली नसून, रिक्षाचे मोठे नुकसान झाले आहे, अशी माहिती ठाणे महापालिका आपत्ती व्यवस्थापन कक्षाने दिली.
रिक्षा पेटल्याची माहिती मिळताच वाहतूक पोलिस, अग्निशमन दल आणि आपत्ती व्यवस्थापन कक्षाचे कर्मचारी तातडीने घटनास्थळी पोहोचले. अग्निशमन दलाच्या जवानांनी तत्काळ आगीवर नियंत्रण मिळवले. ही रिक्षा सुबेर खान यांच्या मालकीची होती. आगीवर नियंत्रण मिळवण्यासाठी एक फायर आणि एक रेस्क्यू वाहन घटनास्थळी दाखल झाले होते.