सोमवारी तुळजाभवानी मंदिरात दीपोत्सव

तुळजाभवानी मंदिरात सोमवारी दीपोत्सव
सकाळ वृत्तसेवा
ठाणे, ता. १९ ः महाविकास आघाडीच्या वतीने सोमवारी (ता. २०) गणेशवाडी-पांचपाखाडीतील श्री तुळजाभवानी मंदिरामध्ये दिवाळीनिमित्त दीपोत्सव साजरा करण्यात येणार आहे, अशी माहिती शरद पवार पक्षाचे जिल्हाध्यक्ष मनोज प्रधान यांनी दिली. शरद पवार पक्षाचे राष्ट्रीय सरचिटणीस डाॅ. जितेंद्र आव्हाड यांच्या पुढाकारातून या दीपोत्सवाचे आयोजन करण्यात आले आहे. डाॅ. जितेंद्र आव्हाड, राजन विचारे, अविनाश जाधव यांच्या उपस्थितीत शरद पवार पक्ष, ठाकरे गट, काँग्रेस आणि मनसेचे सर्व कार्यकर्ते एकत्रित दिवाळी फराळ करणार आहेत, अशी माहिती मनोज प्रधान यांनी दिली. दरम्यान, ठाणेकर नागरिकांनीही या दीपोत्सवात सहभागी होण्यासाठी तुळजाभवानी मंदिरात उपस्थित राहावे, असे आवाहन मनोज प्रधान, केदार दिघे, विक्रांत चव्हाण, रवींद्र मोरे यांनी केले आहे.