भांडण सोडविणाऱ्या माजी नगरसेवकावर हल्ला

भांडण सोडवणाऱ्या माजी नगरसेवकावर हल्ला
कल्याण, ता. १८ (वार्ताहर) : शिवसेना शिंदे गटाचे माजी नगरसेवक उमेश बोरगावकर यांच्या गाडीवर शुक्रवारी (ता. १७) रात्री हल्ला झाल्याची घटना घडली. या हल्ल्यात माजी नगरसेवक उमेश बोरगावकर यांच्यासह ज्ञानेश्वर सपाट आणि ओंकार सपाट हे तिघे जखमी झाले आहेत.
कल्याण पश्चिमेतील बेतूरकर पाडा येथील त्यांच्या जनसंपर्क कार्यालयासमोर ओंकार सपाट आणि काही लोकांमध्ये झालेल्या वादात बोरगावकर यांनी मध्यस्थी करून भांडण सोडवले होते आणि यात डोक्याला मार लागल्याने ओंकार सपाट यांना उपचारासाठी रुग्णालयात नेले. रुग्णालयातून बाहेर पडत असताना अज्ञात हल्लेखोरांनी बोरगावकर यांच्या गाडीची तोडफोड करत हल्ला केला. यामध्ये बोरगावकर देखील जखमी झाले असून पोलिस पुढील तपास करत आहेत.