बसच्या चाकाखाली चिमुरड्याचा मृत्यू

भाईंदर ः रस्त्यावरच्या खडीवरून दुचाकी घसरल्यामुळे बसच्या चाकाखाली येऊन सव्वावर्षीय असगर अली या चिमुरड्याचा मृत्यू झाला. भाईंदर पूर्व येथील गोल्डन नेस्ट चौक परिसरात रविवारी (ता. १९) दुपारी सव्वाबाराच्या सुमारास ही घटना घडली. सोहेल पठाण हे आपला मुलगा असगर अलीसह मित्र मुस्तकीन याच्यासोबत दुचाकीवरून जात होते. असगर अली हा मागे बसलेल्या मुस्तकीन जवळ होता. रस्त्यावरील खडीवरून दुचाकी घसरून तिघेही खाली पडले आणि बाजूने जाणाऱ्या बसच्या मागच्या चाकाखाली आल्याने असगर अलीचा जागीच मृत्यू झाला.