संजय बनसोडे यांना समाजभूषण प्रदान

संजय बनसोड यांना समाजभूषण पुरस्कार प्रदान
मुंबई, ता. २१ ः मुंबई उपनगरचे जिल्हा ग्रंथालय अधिकारी संजय बनसोड यांना माता सावित्री/फातिमा समाजभूषण पुरस्कार रविवारी (ता. १९) प्रदान करण्यात आला. कुर्ला येथील बाळासाहेब ठाकरे समाजकेंद्रात झालेल्या सत्कार सोहळ्यात आमदार मंगेश कुडाळकर, सार्वजनिक ग्रंथालयाचे अध्यक्ष के. ए. सय्यद (सर), ग्रंथालयाचे अध्यक्ष यांच्या हस्ते त्यांना या पुरस्काराने सन्मानित करण्यात आले.
सामाजिक बांधिलकी जपत, ग्रंथालय चळवळ पुढे नेण्यासाठी संजय बनसोड यांनी महत्त्वाचे योगदान दिले आहे. आपल्या सेवेत ग्रंथालय चळवळ मजबूत करण्यासाठी राज्यभरात त्यांनी ३१ कार्यशाळा घेतल्या. त्यांच्या अथक प्रयत्नांमुळे मुलुंड येथे आधुनिक डिजिटल लायब्ररी उभी राहिली आहे. वाचनासोबत मनस्वास्थ्यासाठी योग, विपश्यना सुरू करण्याचा अभिनव उपक्रम त्यांनी या ग्रंथालयात सुरू केला.