ब्रह्माकुमारीज मुलुंडतर्फे अध्यात्मिक दीपावली उत्सव

ब्रह्माकुमारीज मुलुंडतर्फे आध्यात्मिक दीपावली
मुलुंड, ता. २३ (बातमीदार) ः ब्रह्माकुमारीज मुलुंड उपक्षेत्राच्या सौजन्याने बुधवारी (ता. २२) आध्यात्मिक दीपावली साजरी करण्यात आली. स्नेहांजली कार्यक्रमाचेही आयोजन केले होते. याप्रसंगी मुलुंड उपक्षेत्राच्या प्रमुख डॉ. बी. के. राजयोगिनी गोदावरी, डॉ. बी. के. राजयोगिनी लाजवंती यांनी मार्गदर्शन केले. ब्रिजमोहन यांना स्नेहांजली अर्पण करण्यासाठी, ३५ केंद्रप्रभारी बहिणींनी आपल्या अंतःकरणातील दिवे प्रज्वलित करून शांती, शक्ती आणि प्रेमाच्या दिव्य स्पंदनांनी संपूर्ण वातावरण पवित्र केले. दीपावली व केंद्राच्या वर्धापनदिनानिमित्त दिव्य दीपप्रज्वलन करून सर्वांना प्रसाद देण्यात आला. या कार्यक्रमात १,००० हून अधिक भाऊ-बहिणी सहभागी झाले होते. त्यांनी गाढ आध्यात्मिक आनंदाचा अनुभव घेतला.