दुर्वेस गावात अल्पवयीन मुलीवर लैंगिक अत्याचार

अल्पवयीन मुलीवर लैंगिक अत्याचार
मनोर, ता. २३ : मुंबई-अहमदाबाद महामार्गालगतच्या दुर्वेस गावातील एका अल्पवयीन मुलीला लग्नाच्या भूलथापा देत तिच्यावर लैंगिक अत्याचार केल्याची घटना घडली. याप्रकरणी गावातील जयेश सवरा (वय १८) या तरुणाला अटक केली आहे. पीडित मुलीच्या वडिलांनी मनोर पोलिस ठाण्यात तक्रार दाखल केली असून, त्यानुसार जयेश सवरा याच्यावर पोस्को कायद्याअंतर्गत गुन्हा दाखल करण्यात आला आहे.
दुर्वेस आणि वाडा तालुक्यातील कुर्ला या दोन ठिकाणी १९ ते २० ऑक्टोबर २०२५ या दरम्यान आरोपीकडून अल्पवयीन मुलीवर लैंगिक अत्याचार करण्यात आला. जयेश सवरा याने मुलीच्या अज्ञानाचा फायदा घेत प्रेमसंबंध प्रस्थापित करून हे कृत्य केल्याचे तक्रारीत म्हटले आहे. मनोर पोलिसांनी तातडीने सूत्रे हलवत आरोपी जयेश सवराला अटक केली असून, त्याच्यावर कठोर कारवाई करणार असल्याचे पोलिसांनी सांगितले.