न्यूझीलंडमध्ये वादळामुळे उड्डाणे रद्द

न्यूझीलंडमध्ये वादळामुळे उड्डाणे रद्द

वेलिंग्टन, ता. २३ (वृत्तसंस्था) ः न्यूझीलंडच्या अनेक भागांत गुरुवारी आठवडाभरात दुसऱ्यांदा जाेरदार वादळ धडकले. त्यामुळे विमानाचे शेकडो उड्डाणे रद्द करण्यात आली. सर्वत्र वीज खंडित हाेऊन अनेक ठिकाणी शाळाही बंद ठेवण्यात आल्या हाेत्या.
राजधानी वेलिंग्टनमधील लोअर नॉर्थ आयलँडमध्ये आणि ख्राइस्टचर्च शहरासह दक्षिण बेटाच्या काही भागांत वादळी वारे सर्वात जास्त होते. ‘मेटसर्व्हिस’ने अनेक क्षेत्रांसाठी ‘रेड अलर्ट’ जारी केला आहे. आज काेणतीही जीवितहानी झालेली नाही. न्यूझीलंडच्या काही शहरी भागांत ताशी १४० ते १६० किमी वेगाने वाऱ्याचा वेग वाढल्याने गुरुवारी न्यूझीलंडमधील २००हून अधिक उड्डाणे रद्द करण्यात आली.