नवशोधक विद्यार्थ्यांसाठी खूशखबर ! बार्टी, सारथी, महाज्योती, अमृत, आर्टी, टीआरटीआयच्या

पीएचडी, फेलोशिपसाठी लवकर जाहिरात
मार्गदर्शक तत्त्वे निश्चित करा; उपमुख्यमंत्री शिंदेंचे आदेश
मुंबई, ता. २८ : बार्टी, सारथी, महाज्योती, अमृत, आर्टी या स्वायत्त संस्थांमार्फत देण्यात येणाऱ्या अधिछात्रवृत्ती, शिष्यवृत्तीचा लाभ मिळवण्याबाबत मार्गदर्शक तत्त्वे निश्चित करण्यासाठी उच्च व तंत्रशिक्षण विभागाने समिती नियुक्त केली आहे. समितीचा अहवाल प्राप्त झाल्यानंतर १० दिवसांत जाहिरात प्रसिद्ध करण्याची कार्यवाही करावी, असे निर्देश उपमुख्यमंत्री एकनाथ शिंदे यांनी दिले.
पीएचडी फेलोशिपची जाहिरात गेल्या अडीच वर्षांपासून प्रसिद्ध झालेली नाही. यासंदर्भात विद्यार्थ्यांनी केलेल्या आंदोलनाची दखल घेऊन उपमुख्यमंत्री शिंदे यांनी बैठक घेतली. या वेळी उच्च व तंत्रशिक्षणमंत्री चंद्रकांत पाटील, आदिवासी विकासमंत्री अशोक उईके, इतर मागास बहुजन कल्याणमंत्री अतुल सावे, सामाजिक न्याय व विशेष सहाय्य विभागाचे मंत्री संजय शिरसाठ, विविध ‍विभागांचे प्रधान सचिव आदी उपस्थित होते. या वेळी अधिछात्रवृत्ती, शिष्यवृत्ती मिळत नसल्याबाबत विद्यार्थ्यांनी सांगितले. त्यावर उच्च व तंत्रशिक्षण विभागाने मुंबई विद्यापीठाच्या कुलगुरूंच्या अध्यक्षतेखाली पीएचडीसाठी विषयांची निवड याकरिता मार्गदर्शक तत्त्वे करण्यात येत आहेत. त्याचा अहवाल प्राप्त झाल्यानंतर पुढील १० दिवसांत जाहिरात प्रकाशित केली जील, असे उपमुख्यमंत्र्यांनी या वेळी सांगितले.
--