विनयभंगप्रकरणी तरुणाला अटक

ठाणे ः रेल्वेस्थानकातील पुलावरून फलाटावर उतरताना एका २९ वर्षीय तरुणीचा विनयभंग करणाऱ्या संशयित आरोपीला ठाणे लोहमार्ग पोलिसांनी अटक केली. त्याला न्यायालयीन कोठडी मिळाली, अशी माहिती ठाणे लोहमार्ग पोलिस ठाण्याचे वरिष्ठ निरीक्षक अर्चना दुसाने यांनी दिली. नेरूळ येथून २९ वर्षीय तरुणी मंगळवारी (ता. २८) ठाण्यात कामानिमित्त आली होती. येथील रेल्वेस्थानकातील पुलावरून फलाट क्रमांक दोनवर संध्याकाळच्या वेळी उतरत असताना ऐरोली येथील सुदाम गिरी (वय ३५) याने तिचा विनयभंग केला. याप्रकरणी ठाणे लोहमार्ग पोलिस ठाण्यात गुन्हा दाखल झाल्यानंतर त्याला अटक करण्यात आली होती.