चारचाकी कार नाल्यात कोसळली

चारचाकी कार नाल्यात कोसळली
नवीन पनवेल (बातमीदार) ः पनवेल दिशेने निघालेली चारचाकी कार अंधार असल्यामुळे थेट नाल्यात कोसळल्याची घटना बुधवार (ता. २९) संध्याकाळी साडेसहाच्या सुमारास घडली. या घटनेत कोणतीही जीवितहानी झालेली नाही; मात्र कारचे नुकसान झाले.
कारचालक महिलेला रस्त्याचा अंदाज आला नाही. या वेळी महिलेचे कारवरील नियंत्रण सुटले. चारचाकी कार थेट नाल्यात जाऊन कोसळली. या वेळी कोणतीही जीवितहानी झाली नाही; मात्र तीच कार वेगाने बसस्थानकाजवळील नागरिकांना धडकली असती तर मोठी दुर्घटना घडली असती.