आजी माजी खासदार लागले पालिका निवडणूकीच्या कामाला

निवडणुकीसाठी
बैठकींचे सत्र
मुंबई, ता. ३० : मुंबई महापालिका निवडणुकीत आपापला लोकसभा मतदारसंघ सांभाळण्याची जबाबदारी भाजपने खासदारांवर सोपविली आहे. त्यामुळे आजी-माजी खासदार मतदारसंघात सक्रिय झाले आहेत. त्यांनी जिल्हावार बैठकांचे सत्रही सुरू केले असल्याची माहिती सूत्रांनी दिली. केंद्रीय मंत्री पीयूष गोयल यांच्या मार्गदर्शनात भाजपा उत्तर मुंबई जिल्ह्याची संघटनात्मक बैठक कांदिवलीच्या समता क्रीडा भवन येथे नुकतीच पार पडली. या वेळी खासदार क्रीडा महोत्सव, वचननाम्यातील आश्वासनांची पूर्तता, महिला संमेलनाद्वारे नारीशक्तीचे संघटन, जनसंपर्क अभियान आणि बूथ स्तरापर्यंत संघटन बळकटीकरण आदी महत्त्वाच्या बाबींवर चर्चा झाली.