लाचखोर त्या दोघांना ३ नोव्हेंबरपर्यंत पोलिस कोठडी

लाचखोरीप्रकरणी दोघांना ३ नोव्हेंबरपर्यंत पोलिस कोठडी
सकाळ वृत्तसेवा
ठाणे, ता. ३१ ः लाचखोरीप्रकरणी अटकेत असलेले ठाणे जिल्हाधिकारी कार्यालयातील मुद्रांक विभागामधील लिपिक दीपक इसळ (वय ३४) आणि अजित कोकमकर (५०) यांना शुक्रवारी (ता. ३१) ठाणे अतिरिक्त जिल्हा व सत्र न्यायालयाचे न्यायाधीश एस. एस. शिंदे यांच्यासमोर त्यांना हजर केले असता, न्यायालयाने दोघांना येत्या ३ नोव्हेंबरपर्यंत पोलिस कोठडी सुनावली आहे. सरकारी वकील संजय मोरे यांनी ही माहिती दिली.
मूळ खरेदीखत देण्यासाठी या दोघांनी ७० हजार रुपयांची लाच मागितली होती. तडजोडीअंती ६५ हजार रुपये देण्याचे निश्चित झाले. यातील ३५ हजार रुपये घेताना एका खासगी व्यक्तीला लाचलुचपत प्रतिबंधक विभागाने रंगेहाथ पकडले. त्यानंतर लिपिकासह दोघांविरोधात गुरुवारी (ता. ३०) गुन्हा दाखल करून त्यांना अटक करण्यात आली.