मोहन्यात भाच्याने मामाची हत्या केल्याची धक्कादायक घटना

घरगुती वादातून भाच्याकडून मामाची हत्या
कल्याण, ता. ३१ (वार्ताहर) ः कल्याणजवळील मोहने परिसरात गुरुवारी (ता. ३०) रात्री घरगुती वादातून भाच्याने त्याच्या मामाची हत्या केली. याप्रकरणी भाच्यावर गुन्हा दाखल करण्यात आला आहे. मोहने येथील एका खासगी रुग्णालयात भाचा गणेश रमेश पुजारी याची पत्नी प्रसूतीसाठी दाखल होती. याच ठिकाणी मामा मरियाप्पा राजू नायर (वय ४०) यांच्याशी कौटुंबिक कारणावरून वाद झाला. या वादातून गणेश याने मामाच्या डोक्यात वार केले, ज्यामुळे त्यांचा जागीच मृत्यू झाला. ही संपूर्ण घटना सीसीटीव्हीमध्ये कैद झाली. हत्या केल्यानंतर पळून जाण्याच्या प्रयत्नात असलेल्या आरोपी गणेश पुजारीला पोलिसांनी कल्याण स्थानकाजवळ अटक केली. खडकपाडा पोलिस याप्रकरणी अधिक तपास करीत आहेत.