भांडण सोडवायला गेलेल्या तरुणावर चाकूने वार

भांडण सोडवणाऱ्या तरुणावर चाकूने वार
अंबरनाथ, ता. ३१ (वार्ताहर) ः अंबरनाथ (पूर्व) येथील लक्ष्मीनगर, शेताडी रोड परिसरात गुरुवारी (ता. ३०) रात्री किरकोळ वाद मिटवण्यासाठी गेलेल्या एका १९ वर्षीय तरुणावर चाकूने वार केल्याची घटना घडली. या घटनेत तरुण गंभीर जखमी झाला असून शिवाजीनगर पोलिस ठाण्यात चार आरोपींविरुद्ध गुन्हा दाखल करण्यात आला असून पोलिस उपनिरीक्षक पांडुरंग गुंड पुढील तपास करीत आहेत.
शंकर प्रकाश सवार (वय १९) हा तरुण त्याचा लहान भाऊ आणि मित्राच्या आरोपींसोबत सुरू असलेले भांडण सोडवण्यासाठी घटनास्थळी गेला. भांडण सोडवल्याच्या रागातून आरोपी प्रताप गणेश शिंदे, मानव आणि त्यांच्या दोन साथीदारांनी शंकर, त्याचा चुलत भाऊ आणि मित्राला शिवीगाळ करत मारहाण केली. याच दरम्यान आरोपी मानव याने शंकरच्या पोटावर चाकूने वार केला. या हल्ल्यात शंकर गंभीर जखमी झाला असून त्याला रुग्णालयात दाखल करण्यात आले आहे.