वाकोला पोलिस ठाण्यावर पालिका अभियंत्याचा मोर्चा

वाकोला पोलिस ठाण्यावर पालिका अभियंत्याचा मोर्चा

सकाळ वृत्तसेवा
मुंबई, ता. ३१ ः मुंबई महापालिकेचे सहाय्यक अभियंते (रस्ते) सचिन बंडगर यांना मारहाण केल्याच्या निषेधार्थ शुक्रवारी (ता. ३१) वाकोला पोलिस ठाण्यावर अभियंत्यांनी मोर्चा काढला. गुन्हेगाराला अटक करून तातडीने कठोर कारवाई करा, अशी मागणी अभियंत्यांनी केली. पोलिसांनी याप्रकरणी गुन्हा दाखल केला आहे. पालिकेचे सहाय्यक अभियंता (रस्ते), पश्चिम उपनगरे सचिन बंडगर तसेच त्यांचे सहकारी दुय्यम अभियंता प्रीतम माने आणि अभियंता भूषण बधान यांना कर्तव्यावर असताना कलिना येथील राजा अकबर कुरेशी याने शिवीगाळ तसेच सहाय्यक अभियंता सचिन बंडगर यांना मारहाण केली. आरोपींवर कडक कारवाई करण्यात यावी, अशी मागणी अभियंत्यांच्या संघटनेने केली आहे. तर आरोपी कुरेशीला तत्काळ अटक करून कायदेशीर कठोर कारवाई करण्यात आली नाही तर पालिकेचे कामकाज बंद करण्याचा इशारा म्युनिसिपल इंजिनिअर्स असोसिएशनचे कार्याध्यक्ष रमेश भुतेकर देशमुख यांनी दिला आहे.