कामराज नगर पुनर्वसन प्रकल्पातील नवीन वसाहतीस “भारतरत्न के. कामराज नगर” नाव देण्याची रहिवाशांची मागणी

वसाहतीला ‘के. कामराज नगर’ नाव द्या!
घाटकोपर, ता. ३ (बातमीदार) ः घाटकोपर पूर्व येथील कामराज नगरमधील स्थानिक रहिवाशांनी येथील पुनर्वसन प्रकल्पाला भारतरत्न आणि स्वातंत्र्यसेनानी के. कामराज यांच्या नावाने ओळख देण्याची मागणी केली आहे. यासंदर्भात तेलुगू समाज प्रतिष्ठानतर्फे गणेश भुमय्या बट्टू यांनी राज्‍य सरकार, एमएमआरडीए आणि एसआरए अधिकाऱ्यांकडे लेखी अर्ज सादर केला आहे. याशिवाय रहिवाशांनी या संकुलाच्या मुख्य प्रवेशद्वारावर के. कामराज यांचे तैलचित्र लावून त्यांचा पूर्णाकृती पुतळा व भव्य स्मारक उभारण्याचीही मागणी केली आहे. गेल्या ५० वर्षांपासून ही वसाहत कामराज नगर म्हणूनच ओळखली जात आहे.