अपग्रॅडचा ईबीआयटीडीए वाढला

अपग्रॅडला यंदा १,९४३ कोटींचा महसूल
मुंबई, ता. ३ : एकात्मिक कौशल्य आणि निरंतर शिक्षण क्षेत्रातील आशियातील सर्वात मोठ्या कंपन्यांमध्ये असलेल्या अपग्रॅडने १,९४३ कोटी रुपयांचा महसूल या आर्थिक वर्षात मिळवला आहे.
कंपनीची आर्थिक कामगिरी गेल्या काही वर्षांत चांगली होत असून, नुकत्याच संपलेल्या आर्थिक वर्षात कंपनीने कार्यक्षमता वाढवली. तसेच एआय प्रवेश, शिक्षण, करियर मोबिलिटी, पायाभूत सुविधा आणि अनुभव केंद्राद्वारे हायब्रीड विस्तारात धोरणात्मक गुंतवणूक केली. तंत्रज्ञानकेंद्री उपक्रमांमुळे विद्यार्थ्यांची नोंदणी १९ टक्के वाढली. व्हिएतनाम, आग्नेय आशिया, आखाती देश आणि अमेरिका येथील बाजारपेठेतून एकूण महसुलात २५ टक्के योगदान मिळाले आहे. कंपनीच्या स्टडी ॲब्रॉड विभागाने अमेरिका, इंग्लंड, जर्मनी, कॅनडा, ऑस्ट्रेलिया, फ्रान्स, फिनलंड, आयर्लंड आदि १० ठिकाणी विस्तार केला आहे. त्यानंतर व्हिएतनाम, बांगलादेश, नेपाळ आणि श्रीलंका यांचा क्रमांक लागतो, असे अपग्रॅडचे सहसंस्थापक आणि अध्यक्ष रॉनी स्क्रूवाला म्हणाले.