कार्तिकी एकादशीनिमित्त विठुनामाचा गजर

कार्तिकी एकादशीनिमित्त विठुनामाचा गजर
जव्हार, ता. ३ (बातमीदार) : शहरातील विठ्ठल मंदिरात कार्तिकी एकादशीनिमित्त रविवारी (ता. २) दिवसभर धार्मिक कार्यक्रम घेण्यात आले. मंदिरात विठ्ठल व रुक्मिणी मातेच्या मूर्तीला पुजारी दिनेश रत्नाकर यांनी सकाळीपुष्पाभिषेक करून आरती केली. त्यानंतर भाविकांसाठी प्रसाद वाटपाचे काम सुरू झाले. येथील विठ्ठल-रुक्मिणी मंदिरात दर्शनासाठी भाविकांनी सकाळपासूनच गर्दी केली होती. भजन-कीर्तनाने सर्वत्र विठुनामाचा गजर ऐकू येत होता. रात्री शेजारती होऊन भजनाचा कार्यक्रम झाला. दर्शनासाठी भाविकांची मोठ्या संख्येने उपस्थिती होती.
---
जिल्हाधिकारी संकुल प्रांगणात शिवरायांचा अश्वारुढ पुतळा उभारा
वसई (बातमीदार) : पालघर जिल्हाधिकारी कार्यालयाच्या प्रांगणात छत्रपती शिवाजी महाराज यांचा अश्वारूढ पुतळा उभारण्यात यावा, जेणेकरून त्यांच्या काळाची आठवण नेहमीच मनात राहील, अशी मागणी शिवसेनेच्या ठाकरे गटाचे जिल्हा सचिव हरिश्चंद्र पाटील यांनी पालकमंत्री गणेश नाईक यांच्याकडे केली आहे. लवकरात लवकर हा निर्णय सरकारी दरबारी घ्यावा, अशी मागणी त्यांनी आदिवासी विकास आढावा समिती अध्यक्ष विवेक पंडित यांच्यासह आमदारांना देखील निवेदन दिले आहे.
---