विविवेकानंद व्याख्यानमालेचे आयोजन

२५ नोव्हेंबरपासून व्याख्यानमाला
मुंबई : येथील विद्यार्थी उत्कर्ष मंडळातर्फे विवेकानंद व्याख्यानमालेचे आयोजन करण्यात आले आहे. यंदा या व्याख्यानमालेचे हे ६८वे वर्ष आहे. लालबाग येथील श्री छत्रपती शिवाजी महाराज क्रीडांगण (गरमखडा मैदान) येथे मंगळवार, २५ नोव्हेंबर ते शनिवार, २९ नोव्हेंबर यादरम्यान ही व्याख्यानमाला दररोज रात्री ८:३० वाजता होणार आहे. या व्याख्यानमालेत अनुक्रमे - निसर्ग मानसकन्या प्राची शेवगांवकर ‘हवामान बदल आणि तरुणाई’, भाषातज्ज्ञ डॉ. गणेश देवी ‘भाषा : अभिजात आणि बहुजन’, माहिती तंत्रज्ञान व कृत्रिम बुद्धिमत्तातज्ज्ञ चिन्मय गवाणकर ‘एआय : भीती की संधी?’, ह.भ.प. डॉ. हरिदास महाराज पालवे शास्त्री ‘श्री संत ज्ञानेश्वर आणि आधुनिक युग’ तसेच निवृत्त प्रशासकीय अधिकारी इंद्रजित देशमुख ‘आभासी जगातील पालकत्व’ या विषयांवर आपली मते मांडणार आहेत. विवेकानंद व्याख्यानमाला ही समाजप्रबोधनाची अखंड परंपरा असून, सर्व श्रोत्यांनी प्रत्यक्ष उपस्थित राहून श्रवणभक्तीचा आनंद घ्यावा, असे आवाहन व्याख्यानमालेचे प्रमुख मंगेश सावंत आणि मंडळप्रमुख विकास शिंदे यांनी केले आहे.