कल्याण पूर्वेत तीन दिवसांच्या महापारायण सोहळ्याची भक्तीमय सांगता

कल्याण पूर्वेत तीन दिवसांचा महापारायण सोहळा उत्साहात
कल्याण, ता. १० (बातमीदार) : कल्याण पूर्वेतील विजयनगर परिसर तीन दिवस साईभक्त भक्‍तिमय वातावरणात न्हाऊन निघाले. शिव साई मित्र मंडळाच्या वतीने आयोजित तीन दिवसांचा महापारायण सोहळा रविवारी (ता. ९) पार पडला. या पारायणाचा लाभ परिसरातील शेकडो साईभक्तांनी घेतला. समाजसेवक संजय गायकवाड यांच्या मार्गदर्शनाखाली साईभक्त संजय शिर्के यांच्या नियोजनातून या वर्षीचे पारायण सोहळे यशस्वीपणे पार पडले.
श्री दत्त मानिकेश्वर मंदिर आवारात ७ नोव्हेंबर ते ९ नोव्हेंबरदरम्यान ५१ पोथ्यांचे महापारायण आयोजित करण्यात आले होते. सायंकाळी दररोज धार्मिक व सांस्कृतिक कार्यक्रमांचे आयोजन करण्यात आले. अंतिम दिवशी साई चरित्रावर आधारित साई सुमिरन संध्या हे महानाट्य सादर केले गेले. अखेरच्या दिवशी यशस्वी आयोजनात योगदान देणाऱ्या व्यक्ती, संस्था आणि स्वयंसेवकांचा सन्मान करण्यात आला. कार्यक्रमाची सांगता महाप्रसाद अर्थात साई भंडाऱ्याने झाली.