सम्राट अशोक विद्यालयात विद्यार्थ्यांना आरोग्य मार्गदर्शन

सम्राट अशोक विद्यालयात विद्यार्थ्यांना आरोग्य मार्गदर्शन
कल्याण, ता. १० (बातमीदार) : विजयनगरातील सम्राट अशोक विद्यालयात आरोग्यविषयक जागरूकता वाढवण्यासाठी विशेष मार्गदर्शन सत्र घेण्यात आले. या कार्यक्रमात विद्यार्थ्यांशी संवाद साधत चिकसेम थेरपी आणि थर्मल ॲक्युप्रेशर या नैसर्गिक उपचार पद्धतींची माहिती दिली. विद्यार्थ्यांना शारीरिक आणि मानसिक आरोग्य संतुलन राखण्यासाठी योग्य आहार, नियमित व्यायाम व नैसर्गिक उपचार पद्धतींचे महत्त्व पटवून दिले. विद्यार्थ्यांनी आजच्या स्पर्धात्मक युगात केवळ अभ्यासावरच नव्हे, तर आरोग्याकडेही विशेष लक्ष दिले पाहिजे. आरोग्य चांगले असेल तरच यशस्वी भविष्य घडवता येते, असे मत आरोग्य मार्गदर्शकांकडून व्यक्त केले गेले. त्यांनी विद्यार्थ्यांना आरोग्यदायी जीवनशैली अवलंबण्याचे आणि वेळेचे व्यवस्थापन करण्याचे आवाहन केले. या वेळी सम्राट अशोक विद्यालयाचे प्राथमिक विभागाचे मुख्याध्यापक आणि शिक्षकवर्ग उपस्थित होता. या उपक्रमामुळे विद्यार्थ्यांमध्ये आरोग्याविषयी जागरूकता वाढल्याचे शिक्षकांनी सांगितले.