उरणमध्ये आगीमुळे तिघे जखमी

उरणमध्ये आगीमुळे तिघे जखमी
उरण (वार्ताहर)ः शहरातील बौद्धवाडा येथील एका घराला मध्यरात्री लागलेल्या आगीत एका घरातील तिघे होरपळून जखमी झाले आहेत. नवी मुंबई येथील रुग्णालयात त्यांच्यावर उपचार सुरू आहेत. उरण शहरातील समाज मंदिराच्या मागे असणाऱ्या बौद्धवाडातील एका घरात मध्यरात्री आग लागली. आजूबाजूच्या नागरिकांनी आगीवर नियंत्रण आणले, मात्र रमेश कांबळे, निकिता कांबळे, रजनी कांबळे होरपळले असून, त्यांच्यावर कोपरखैरणे येथील बर्न हॉस्पिटल येथे उपचार सुरू आहेत. आगीचे कारण स्पष्ट झालेले नाही. या घटनेचा तपास उरण पोलिस ठाण्यामार्फत सुरू आहे.