मुरबाड तालुक्यातील नवापडा येथे २२ वर्षे तरुणीची आत्महत्या

नवापाडा येथे तरुणीची आत्महत्या
मुरबाड, ता. १० (बातमीदार) ः नवापाडा येथे पंख्याला गळफास लावून वैशाली शांताराम भोईर (वय २२) हिने आत्महत्या केली. याप्रकरणी दोषी तरुणाला अटक करावी, अशी कुटुंबीयांची मागणी आहे.
सदर तरुणी सरळगाव येथील एका खासगी रुग्णालयात परिचारिका म्हणून काम करत होती. नोकरीदरम्यान तिची ओळख स्वप्नील चौधरी याच्याशी झाली. त्याने वैशालीवर लग्नासाठी दबाव टाकण्यास सुरुवात केली. तिला मानसिक त्रास दिला. ती मावशीच्या घरी गेली होती. मावशी बाहेर गेल्यानंतर तिने पंख्याला गळफास लावून आत्महत्या केली. याप्रकरणी वैशालीच्या बहिणीने मुरबाड पोलिस ठाण्यात तक्रार नोंदवली आहे. पोलिस स्वप्नीलचा शोध घेत आहेत.